Saturday, April 24, 2010

பாதை மாறும் சோஷியல் நெட்வொர்க் தளங்கள்

கடந்த ஆண்டு இணையத்தில் சமுதாய தளங்கள் என்று அழைக்கப்படும் சோஷ்யல் நெட்வொர்க் தளங்களுக்கு ஒரு சிறப்பான ஆண்டாக அமைந்திருந்தது. பேஸ்புக் மற்றும் ட்விட்டர் போன்ற தளங்களின் அமைப்பிலும், உட்பொருளிளும் பெருத்த மாற்றங்களும் முன்னேற்றமும் ஏற்பட்டன. இது தொடர்பாக மேற்கொள்ளப்பட்ட ஆய்வில் வெளியிடப்பட்ட முடிவுகள்.

இதுவரை என்ன சாப்பிட்டேன்; எந்த தேர்வில் பிரச்சனை அதிகம் இருந்தது; விஜய் படங்கள் ஏன் சரியாக ஓடுவத்தில்லை போன்ற கதைகளை பேசிக்கொண்டு இருக்காமல் உலகத்தை பாதித்த, பாதிக்கின்ற விஷயங்கள், அரசியல் மாற்றங்கள், விமான விபத்துக்கள் போன்றவை அதிகம் இடம்பெற்றன.

பொதுவாக இளைஞர்களும், டீன் ஏஜ் கல்லூரி மாணவர்களும் அதிகம் பயன்படுத்திக்கொண்டிருந்த இந்த சோஷியல் தளங்களில் பல அறிஞர்களும், எழுத்தாளைகளும் எழுத தொடங்கினார்கள். இதனால் பழைய தலைமுறைக்கும் புதிய தலைமுறைக்கும் இடையே நல்ல ஆரோக்கியமான நட்பு ஏற்பட்டது,

இந்த தளங்களை பயன்படுத்தும் இணைய பயனாளர்களின் எண்ணிக்கை 2009 ல் அதிகமாகியது. இந்த ஆண்டின் தொடக்கத்தில் பேஸ்புக் தனது 35 ஆவது கோடி பயனாளியை அடையாளம் காட்டியது.

பேஸ்புக் நேயர்களின் எண்ணிக்கை உயர்ந்தது என்றால், நிச்சயம் வேறு ஒரு தளத்திலிருந்து இங்கு வந்தவர்களாகத்தான் இருப்பார்கள். இவர்களில் பலர் மை ஸ்பேஸ் ( MY SPACE ) தளத்திலிருந்து வந்தனர். சோஷியல் நெட்வொர்க்கிங் தளங்களில் முன்னணி தளமாக முதலில் வந்த சிலவற்றில் ஒன்றாகும் இது. ஆனால் 2009 ஆம் ஆண்டில் இதன் பங்கு 55 சதவிதத்திலிருந்து 30.26 சதவீதமாக குறைந்தது.

இந்த ஆண்டில் இந்த இரு தளங்களும் தங்கள் வருமானத்தை பெருக்கும் முயற்சியில் ஈடுபடும் எனத் தெரிகிறது. அதற்கான முயற்சிகளில் பல ஒப்பந்தங்களில் இவை ஈடுபட்டு வருகின்றன.

No comments:

Post a Comment